LCCI試題入面的英文好容易明, 我中學會考高考英文只係剛剛pass, level 1及3都考到distinction.
如果無底建議先由LCCI學起, LCCI只係好基本的簿記及會計, 但可以唔需要每個Level都考, Level 1廢的, 職場無人要求level 1合格同埋考試非常簡單, 出去做會計文員或者部分細會計師樓會要求申請者level 2/3合格.
如果你讀完LCCI覺得有興趣, 你可以繼續讀AAT, 不過AAT感覺係高不成低不就, 因為AAT並唔係會計師考試, 係比無大學學歷又想做會計師的人考的試, 考完AAT就考PBE, 之後就QP. QP係會計師考試, 合格後再加最少三年認可工作經驗就可成為會計師.
不過, 會計並唔係好輕鬆可以賺大錢工作. 無大學學歷想去會計師行做只係得細firm會請. 入細firm起薪約$9k, 更低都有. 考完牌大約$12k-$15k. 大firm只會考慮大學畢業, 起薪約$12k, 考完有三年經驗大約30k. 會計不論做會計師行或者私人機構都要有OT心理準備, 特別係趕Deadline時候, 有d firm要deadline前1個月每日做到起碼10點, 否則炒, 大公司辛唔辛苦視乎組別, 有d會有幾日做到夜晚至凌晨. 做會計師行亦要有出差心理準備, 有d會派職員去偏遠地方做, 同人迫火車, 住普通賓館. 有d人嫌辛苦, 做3年已經走, 但唔保證一定比上一份高人工. 留得到既亦要小心身體, 捱得夜多對身體唔好, 有d人廿幾三十幾做到身體壞, 大陸有人做到死.
Big4工作經驗會較為吃香, 因為會接觸上市公司的數, 知道他們的運作, 所以大公司請會計職位(非文員)會要求有big4經驗, 但一年big4請幾百人, 競爭都不少.
如果想容易搵工, 英文能力很重要. 其次數學、大學成績商業觸覺及分析能力不可太差. big4會比較多請三大及理大畢業生, 其他大學就要多多努力. 細公司因為無乜資源train新人, 所以interview時會問較多會計及核數知識, 所以你in之前要讀下書.
會計師樓請幾多人要睇經濟環境. 今年聽聞big4比上年請少好多人, 名大學畢業唔少人無offer. 入去做之後亦有機會要無薪工作, 做得差會叫你走. 細firm接生意都唔敢加太多價, 因為怕客會走, 人工亦唔好望加好快及多.
留言列表
