halo, 我係英國讀緊書, 希望幫到你丫=]
1) 由於我地又想去london景點,我估去唔曬咁多地方,應該點選擇好?以下行程work嗎?
>> 首先, 係day 2 果度, 個片場係要book tour 既, 即係唔係就咁入去買tic 就有得睇, 呢個你要留意, 早一d book, 如果唔係, 你果日只會去唔到而哂左一日. otherwise, 係冇���題既, 但亦要留意個studio 係係zone 8, 即係好遠, 所以亦要預番時間.
>> day 3 既oxbridge, 如果你唔係行好耐既話, 係可以2個地方去哂, 如果你係坐火車去, 咁會慳番d 時間. 但係會好趕, 因為oxford 去cambridge 要2個半鐘, 而london 上oxford 係1個鐘, cambridge 既shops 好多開10點, 當然, 你可以早上好早去到睇景先, 但英國果時英國遲天光同早天黑, 早一d 走, 會比較安全 (12月, 5點就黑哂), 所以, 如果當你9點鐘出發 (因為咁先有平火車tic), 去到都10點, 玩2個鐘, 12點落cambridge, 去到2點半, 行2個鐘, 4點走 都會有少少趕, 所以你要睇下, 呢2個地點, 2個鐘夠唔夠, 如果夠既話, 當然可以go ahead, 但會趕, 因為你唔係唔食lunch 係咁行架嘛.
day 5 果度有問題, 因為25號係xmas, 英國唔同hk, 一到25號, 英國就會好似死城咁, 所有shops 都唔會開 (supermarker 都close), 而tube, 巴士亦唔會開, 景點就更唔好講了, 如果你話只係想出影下相, 影出面, 咁都仲ok, 但要aware 你點樣樣去果個景點. 26號就會好少少, 但亦唔係所有野都開, 而supermarker 只係有限度服務.
2) 去之前買乜野卡會平d? 火車卡?定其他?
>>唔駛, 英國冇卡可以係hk 買到的. 你只可以上網買, 但係其實你上網同係市面買都係一樣, 黎到先買都ok,而且你唔係成日係central london, 係咁搭火車周圍去, 其實連oyster card 都唔駛買, 因為要俾deposit, 同時火車tic 亦有一d 係包埋tube 既. 而museum 你唔係去太多個, 甿museum pass更唔抵.
3) 有冇通用的火車卡可以平d又方便d? 點買?
>> 英國冇火車卡, 佢地係每搭一程就買一張 (就算有, 都會係year pass, 你根本唔會想要果d), 而young person 就係俾19 - 26既後生仔, 張卡會等你買火車tic 平1/3, 但係要俾20英鎊去apply, 所以亦唔抵.
4) 去景點有國際學生證是不是最平了?
>> 你應該先check 景點要唔要俾錢, 好似以英國做example, british museum, v&a 呢一d 大既museum 都係唔駛俾錢的, 而巨石陣 adult 同student 只係差80p, 如果係咁, 花錢去整一樣証作用不大, 而paris 更有museum pass, 一個pass 已經可以入哂所有主要museum, 唔駛再用國學証, 同埋有d spot, 佢地只睇EU 學生証既.
p.s 你london 市內景點應該睇唔到咁多, 因為25號d 野都唔開, 你之前果幾日又咁多野去, 你得番26號, 有一d spot 26號都可能唔開, 所以睇到既野唔係太多.
希望幫到你丫, 有d咩可以再email我的=]
留言列表
